ხანგრძლივი ავადმყოფობის შემდეგ, 67 წლის ასაკში ცნობილი ქართველი კომპოზიტორი ალექსანდრე ბასილაია გერმანიაში გარდაიცვალა.ალექსანდრე ბასილაია 1942 წლის 11 მარტს დაიბადა. იგი საქართველოს ხელოვნების დამსახურებული მოღვაწე და ანსამბლ ''ივერიის'' სამხატვრო ხელმძღვანელი იყო. ბასილაია ავტორია ისეთი ცნობილი მიუზიკლებისა, როგორებიც არის - ''არგონავტები'', ''ჩხიკვთა ქორწილი'', ''ფიროსმანი''. მას ეკუთვნის არაერთი ცნობილი ქართული საესტრადო სიმღერა, ქართული კინოსა და მულტიპლიკაციური ფილმებისთვის შექმნილი მუსიკა. ალექსანდრე ბასილაის ბოლო ნამუშევარია მუსიკალური კომპოზიცია სახელწოდებით - “რაღაც დასრულდა”, რომლის პრეზენტაციაც რამდენიმე ხნის წინ გაიმართა. ქართველი კომპოზიტორის საქართველოში გადმოსვენებასთან დაკავშირებული დეტალები ზუსტდება.