ის, რაც ნაკლებად ცნობილია საქართველოს ისტორიიდან, უცნობი ან ნაკლებად ცნობილ |
გამარჯობა, სტუმარო ( შესვლა | რეგისტრაცია )
  |
ის, რაც ნაკლებად ცნობილია საქართველოს ისტორიიდან, უცნობი ან ნაკლებად ცნობილ |
 May 28 2009, 11:47 AM
პოსტი
#1
|
|
 Advanced Member  ჯგუფი: Members პოსტები: 1,154 რეგისტრ.: 29-April 09 წევრი №: 210  |
აქ დავწეროთ ის ფაქტები, რაც უცნობია ან ნაკლებად ცნობილია ჩვენი ისტორიიდან, რათა უფრო მეტად ვიცოდეთ თუ რანი ვართ, საიდან მოვდივართ და ვინ გვყავდა წინაპრებად.
დავიწყებ 1920 წლის საქართველოს საკითხით, რომელიც განიხილა მაშინდელმა ევროპის ქვეყნების კავშირმა (ანტატამ). აღნიშნული კომისიის სხდომის ოქმების ამონაწერები შესულია ი. ტაბაღუას წიგნში ”ქართული დიპლომატიის ისტორია” 1994 წელი (გვ.70) მოკლედ დავწერ, თუ რა ხდებოდა ამ სხდომამდე. როგორც ცნობილია, 1918 წელს საქართველომ დამოუკიდებლობა მოიპოვა და ამის შესახებ აცნობა მთელს მსოფლიოს, მაგრამ მაშინდელი წამყვანი ქვეყნები თავს იკავებდნენ საქართველოს რესპუბლიკის ცნობისგან, განსაკუთრებით კი დე უიურედ ცნობისგან. 1919 წლის 14 მარტს საქართველოს დამოუკიდებელი მთავრობის დელეგაციამ (კ. ჩხეიძე, ი. წერეთელი, ზ. ავალიშვილი და სხვა) მემორანდუმი გადასცა პარიზის კონფერენციას, სადაც დასაბუთებული იყო საქართველოს მთავრობის შუამდგომლობა დამოუკიდებლობის ცნობის შესახებ. ამ პერიოდში, 1919 წლის ნოემბრისთვის ბოლშევიკებმა გადამწყვეტი შეტევა განახორციელს დენიკინის ჯარებზე. დენიკინი, ისევე, როგორც ბოლშევიკები დიდ საფრთხეს უქმნიდა საქართველოს ახალგაზრდა მთავრობას და ნებისმიერი მხარის გამარჯვების შემთხვევაში, საქართველოს რესპუბლიკა ძალიან რთულ სიტუაციაში აღმოჩდებოდა. ამიტომაც მას სჭირდებოდა დახმარება საზღვარგარეთიდან და კერძოდ, ევროპის წამყვანი ქვეყნებისგან. ამის გამო, ჩვენმა და ასევე, აზერბაიჯანისა და სომხეთის დელეგაციამ თხოვნით მიმართა ანტანტის ქვეყნებს, რომ ისინი დახმარებოდნენ სამხრეთ კავკასიის ახალგაზრდა სახელმწიფოებებს. 1920 წლის 19 იანვარს საფრანგეთის საგარეო საქმეთა სამინისტორს შენობაში ჩატარდა ანტანტის უმაღლესი საბჭოს სპციალური სხდომა, რომელსაც თავმჯდომარეობდა საფრანგეთის პრემიერი ჟორჟ კლემენსო. სხდომას ესწრებოდნენ ინგლისის პრემიერი ლოიდ ჯორჯი, ინგლისის საგარეო საქმეთა მინისტრი ლორდი კერზონი, სამხედრო მინისტრი უინსტონ ჩერჩილი, გენერალი ჰენრი ვილსონი, საფრანგეთიდან მარშალი ფოში. ჟიულ კამბონი, გენერალი ბერტელო, იტალიიდან პრემიერი ფრანჩესკო ნიტი, სკიალოჯა და სხვა. -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
 |
 
|
|
May 28 2009, 12:30 PM
პოსტი
#2
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ამონაწერი სხდომის ოქმიდან:
ლორდი კერზონი: ლოიდ ჯორჯი ეს-ეს არის შეეხო სამხრეთ რუსეთისა და კავკასიის საკითხებს. სამხრეთ რუსეთში ბოლშევიკების გამარჯვებამ მოწინააღმდეგეებს შეუქმნა სასიკვდილო სამხედრო საშიშროება. ვერსალის კონფერენციის საბჭომ უნდა განიხილოს ეს საკითხი, მაგრამ ამ პრობლემას აქვს პოლიტიკური ასპექტი, რომლებიც მინდა საბჭოს წარვუდგინო. კავკასიაში არის სამი სახელმწიფო: საქართველო, აზერბაიჯანი და სომხეთი. სომხეთის საკითხი გადაწყდება ვერსალის კონფერენციაზე მაშინ, როდესაც გადაწყდება თურქეთის საკითხი. ამრიგად, რჩება საქართველო და აზერბაიჯანი, რომელთა დამოუკიდებლობა უკანასკნელ წელიწადნახევარში მეტად დაუსაბუთებელი ჩანდა. ეს ორი ქვეყანა იმყოფებოდა სამი საშიშროების ქვეშ: მათ ჩრდილოეთიდან ემუქრებოდა დენიკინის არმია, მათ საშიშორებას უქმნიდნენ ბოლშევიკები, რომლებიც დენიკინს ებრძოდნენ და ბოლოს, მხრეთიდან მათ ემუქრებოდნენ თურქები. საქართველოსა და აზერბაიჯანს იმედი ჰქონდათ ინგლისის, რომლის ჯარები ამ ქვეყნებში იყვნენ. მართალია, ინგლისმა შემდგომში თავისი ჯარები გაიყვანა ამ ქვეყნებიდან, მაგრამ მისი ნაწილები ჯერ კიდევ რჩებიან ბათუმში. ინგლისის კონსულები არიან ბაქოში, თბილისსა და ბათუმში. საქართველოში არის სოციალისტური (მაგრამ ანტიბოლშევიკური) მთავრობა. გენერალ ბერტელო: ამ საკითხებზე მე უკვე მქონდა ლაპარაკი ლონდონში ლოიდ ჯორჯთან და ლორდ კერზონთან. შედეგებზე მოვახსენე პრემიერ კლემენსოს. ჩემთვის ცნობილია, რომ ლორდ კერზონი მხარს უჭერს საქართველოსა და აზერბაიჯანის მთავრობების დე ფაქტო ცნობას. სკიალოჯა: იტალიის მთავრობა მზადაა, ცნოს საქართველოსა და აზერბაიჯანის მთავრობები დე ფაქტო ისევე, როგორც იტალიამ უკვე ცნო ბალტიისპირეთის რესპუბლიკების დამოუკიდებლობა. გენერალ ბერტელო:ასეთი ნაბიჯი ანტანტის სახელმიწფოებმა ერთად უნდა გადადგან. ჟიულ კამბონი:ინგლისისა და იტალიის წარმომადგენლებთან ერთად ამ დღეებში ჩვენ შევხვდით საქართველოსა და აზერბაიჯანის წარმომადგენლებს პარიზში და საუბარი გვქონდა მათთან. მე მათ ვაცნობე ანტანტის უმაღლესი საბჭოს გადაწყვეტილება მათი რესპუბლიკების ცნობის შესახებ. საუბრის მონაწილეთა შეკითხვაზე: საქართველოსა და აზერბაიჯანის წარმომადგენლებს ხომ არ აქვთ რაიმე თხოვნა, ირ. წერეთელმა უპასუხა: ორივე რესპუბლიკა საჭიროებს ფინანსურ, პოლიტიკურ და სამხედრო მხარდაჭერას. ეს აუცილებელია მათი დამოუკიდებლობის განმტკიცებისთვის. საუბრის დროს გამოირკვა, რომ ამ რესპუბლიკებს უფრო დენიკინის ეშინოდათ, ვიდრე საბჭოთა რუსეთის. ი. წერეთელს სთხოვეს, წარმოედგინა საქართველოსა და აზერბაიჯანის სამხედრო მდგომარეობა. მან უპასუხა, რომ საქართველოს შეუძლია გამოიყვანოს დაახლოებით 50 ათასი კაცი, აზერბაიჯანს კი _ დაახლოებით ასი ათასი. ეს არის რეგულარული არმია, რომლის ოფიცრები არიან რუსეთის ყოფილი არმიიდან წამოსულები. ი. წერეთლის აზრით, ჯარის ეს ნაწილები საკმარისი იყო ორივე რესპუბლიკის თავდაცვისთვის. ჟიულ კამბონის ამ ინფორმაციის მოსმენის შემდეგ ლოიდ ჯორჯმა ითხოვა დეტალური ცნობები დაღესტნის შესახებ და დასძინა, რომ კავკასიაში არის ოთხი ერთეული: საქართველო, სომხეთი, აზერბაიჯანი და დაღესტანი. აქედან პირველი ორი ქრისტიანული ქვეყნებია. ლოიდ ჯორჯმა აღნიშნა, რომ ყველა მათ წიმააღმდეგ გამოდის დენიკინი, რომელიც დაკავშირებულია ინგლისთან. ეს კი გვიქმნის გარკვეულ სიძნელეებს. ჩვენ ვეცადეთ დენიკინი შეგვეჩერებინა, მაგრამ ვრ შევძელით. ინგლისს ბათუმში მხოლოდ ორი ბატალიონი ჰყავს. ახლა საკითხი დგას ინგლისის წინაშე: წამოვიყვანოთ ბათუმიდან ეს ნაწილები თუ არა? ინგლისი მზადაა, დატოვოს ისინი იქ, თუ ეს საჭირო იქნება. ჟორჟ კლემანსო: ჩვენ განვაგრძობთ კავკასიის საკითხის განხილვას. მგონია, რომ პირველ რიგში საჭიროა მოვუსმინოთ გენერალ ჰენრი ვილსონს ან მარშალ ფოშს. მარშალ ფოში: ეს საკითხები განხილულ იქნება ვერსალში ანტანტის სახელმწიფოების სამხედრო კომიტეტში. კომიტეტმა მაშინ გამოთქვა თავისი აზრი და მე მინდოდა ამის შესახებ აქ მეთქვა. ჟორჟ კლემანსო: თქვენ მხედველობაში გაქვთ 12 იანვრის გადაწყვეტილება. მის შესახებ აქ ყველამ იცის, მაგრამ ხომ არ გინდათ რაიმე დაუმატოთ? (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
May 28 2009, 01:53 PM
პოსტი
#3
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
მარშალ ფოში: არა, ბატონო თავმჯდომარევ, არაფერი მაქვს დასამატებელი, ვინაიდან მას შემდეგ სიტუაცია არ შეიცვლებოდა და თუ შეიცვლა, ყველა შემთხვევაში არა ჩვენ სასარგებლოდ.
ლოიდ ჯორჯი: აუცილებელია ხელმისაწვდომი ყველა საჭირო ინფორმაციის შეგროვება, რათა შეგვეძლოს ამ საკითხის განხილვა. ჟორჟ კლემენსო: თანახმა ვართ. ლოიდ ჯორჯი: ბოლშევიკების შესაჩერებლად ღირს თუ არა იარაღით მოვამარაგოთ ამიერკავკასიის რესპუბლიკები და თუ ეს საჭიროა, ეს უნდა გაკეთდეს დაუყოვნებლივ? მარშალ ფოში: ამ კითხვაზე ახლავე ძნელია პასუხის გაცემა. ჯერ უნდა ვიცოდეთ ზუსტად, თუ რა მდგომარეობაა კავკასიაში. ჟორჟ კლემენსოს შეკითხვაზე, მარშალ ფოში ხომ არ ფიქრობს იქ ანტანტის ქვეყნების გენერლების გაგზავნას, ფოშმა უპასუხა, რომ დენიკინის არმიასთან უკვე არის ორი გენერალი: ერთი ინგლისელი და ერთი ფრანგი. ლოიდ ჯორჯი:მე მჭირდება სამხედრო რჩევა, ვინაიდან ჩვენ გვითხრეს, რომ ამ ქვეყნებს უნდა აღმოვუჩინოთ სამხედრო დახმარება. მინდა ვიცოდე, თუ რამდენად მიზანშეწონილი იქნება ეს? მარშალ ფოში:მე არ გამაჩნია არავითარი ინფორმაცია იმის შესახებ, მზად არიან თუ არა ეს ქვეყნები სამხედრო დახმარების მისაღებად და მათი ხელსაყრელი გამოყენებისათვის, თუ ის, რისი გაგზავნაც მათთვის შეგვიძლია, შეიძლება ხელში ჩაუვარდეთ ბოლშევიკებს? გენერალ ჰენრი ვილსონი:გუშინწინდელ სხდომაზე, განვიხილეთ ინგლისიის ძალების მდგომარეობა კასპიის ზღვის რაიონში და ბაქო-ბათუმის ხაზის დაცვის საკითხი, სადაც აღინიშნა, რომ ეს დაცვა არ არის საკმარისი. ასეთ შემთხვევაში ბაქო შეიძლება იოლად აღებული იქნეს მოწინააღმდეგის მიერ. ლოიდ ჯორჯი:მე ვღებულობ ჰენრი ვილსონის ამ რჩევას და მივდივარ იმ დასკვანდე, რომ არაა საჭირო სამხედრო დახმარება გავუწიოთ ამიერკავკასიის რესპუბლიკებს ბოლშევიკების წინააღმდეგ. ჰენრი ვილსონი:თუ ბრიტანეთის ფლოტის მიერ საკმაოდ დაცული არ იქნება კასპიის ზღვის რაიონი, მაშინ მე არაფერს არ გავაგზავნი იქეთ. უინსტონ ჩერჩილი: მე სავსებით ვეთანხმები ჰენრი ვილსონს. მართლაც, თუ კასპიის რაიონი სათანადოდ დაცული არაა, ყველაფერი, რასაც ჩვენ იქეთ გავაგზავნით, ხელში ჩაუვარდება ბოლშევიკებს. ლორდი კერზონი:მე აუცილებლად ვთვლი, დავსძინო შემდეგი ჰენრი ვილსონის აზრით, თუ მოკავშირეთა სამხედრო მისია დამარცხდება, მაშინ ჩვენ იქეთ არ უნდა გავაგზავნოთ სამხედრო დახმარება, მაგრამ ეს საკითხი, ჩემი აზრით, ამომწურავად არაა შესწავლილი. მე მქონდა საუბარი კავკასიის რესპუბლიკების წარმომადგენლებთან, რომლებიც ამჟამად აქვე მეზობელ ოთახში იმყოფებიან. მათ მითხრეს, რომ ისინი ელოდებიან ბოლშევიკების თავდასხმას. მაგრამ თავს დაიცავენ, თუ ჩვენ მათ მოვამარაგებთ იარაღით, სამხედრო აღჭურვილობით და სურსათით. დახმარების გარეშე მათი დამარცხება გარდაუვალია. ყოველ შემთხვევაში, მე შემომაქვს წინადადება. ნუ გავაკეთებთ დასკვნას, ვიდრე მათ არ მოვუსმენთ. (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
May 28 2009, 10:46 PM
პოსტი
#4
|
|
 Newbie ჯგუფი: Members პოსტები: 35 რეგისტრ.: 12-April 09 წევრი №: 68 |
თუ შეგიძლია საქართველო-სომხეთის(1918) ომზეც დაწერე რამე
-------------------- Those who want to live, let them fight, and those who do not want to fight in this world of eternal struggle do not deserve to live.
Adolf Hitler |
|
|
|
|
May 29 2009, 01:22 PM
პოსტი
#5
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ციტატა(skin @ May 28 2009, 07:46 PM)  თუ შეგიძლია საქართველო-სომხეთის(1918) ომზეც დაწერე რამე ჯერ ამ მასალას დავდებ და შემდეგ შევეცდები მაგ ომზეც მოვიძიო რამე ისეთი, რაც ნაკლებად ცნობილია  თუმცა, ნებისმიერ იუზერს შეგიძლიათ დადოთ ის მასალები, რაც თქვენ მიგაჩნიათ საჭიროდ -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
May 29 2009, 01:57 PM
პოსტი
#6
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
გაგრძელება მარშალ ფოში:მე ვიმეორებ ჩემს კითხვას: შეგვიძლია თუ არა, აქვე მივიღოთ საკმარისი ინფორმაცია კავკასიაში შექმნილი ვითარების შესახებ? მე კი მგონია, რომ ჩვენ საკმაო ინფორმაციის მიღება არ შეგვიძლია მანამ, სანამ იქ არ გავაგზავნით ანტანტის ქვეყნების წარმომადგენლებს. ჟორჟ კლემანსო:რაკი ამ შენობაში არიან საქართველოსა და აზერბაიჯანის წარმომადგენლები, გვაქვს შესაძლებლობა მათ მოვუსმინოთ. თათბირის მონაწილეთა წინაშე წარსდგნენ კ. ჩხეიძე, ირ, წერეთელი, ზ. ავალიშვილი, თოფჩიევი და მაგარამოვი. კ. ჩხეიძე და ირ. წერეთელი დასვეს თავმჯდომარის - ჟორჟ კლემენსოს წინ. ჟორჟ კლემენსო:ჯენტლმენებო, კონფერენცია განიხილავს საკითხს, დაუყოვნებლივ გაიგზავნოს თუ არა სურსათი, იარაღი და სამხედრო აღჭურვილობა საქართველოში, აზერბაიჯანსა და დაღესტანში. ჩვენ გვეუბნებიან, რომ თქვენ შეგიძლიათ მოგვაწოდოთ ინფორმაცია თქვენს ქვეყნებზე ბოლშევიკების შეტევის შემთხვევაში თქვენი თავდაცვითი შესაძლებლობის შესახებ. ჩვენ გვინდოდა წინასწარ გვცოდნოდა: შეგიძლიათ თუ არა ასეთ ვითარებაში გამოიყენოთ ის დახმარება, რომელიც ჩვენ შეგვიძლია მოგვაწოდოთ. ჩვენ განწყობილი ვართ, გავაკეთოთ თქვენთვის რაიმე სასარგებლო, მაგრამ გვინდოდა გვცოდნოდა ახლანდელი მდგომარეობა თქვენს ქვეყნებში და გამოსადეგი იქნებოდა თუ არა ასეთი დახმარება ბოლშევიკების წინააღმდეგ, თუ მოხდება ისე, რაც გენერალ დენიკინს მოუვიდა: ბოლშევიკები აღმოჩდნენ თქვენზე უფრო ძლიერნი და ხელთ იგდებენ ჩვენგან გაგზავნილ ყველაფერს. ი. წერეთელი:მე ვლაპარაკობ როგორც საქართველოს, ისე აზერბაიჯანის დელეგაციის სახელით. ალბათ, ბოლშევიკები შემოგვიტევენ, თუმცა ამაში მთლიანად დარწმუნებულნი არ ვართ. თუ ანტანტა დაგვეხმარებოდა, ბოლშევიკები, ალბათ, თავს შეიკავებდნენ. ყველა შემთხვევაში ჩვენ გვჭირდება დიდი სახელმწიფოების დახმარება თავდაცვისთვის. ჟორჟ კლემენსო:ასე გავიგე, რომ თქვენ გინდათ ჯარიც გამოვაგზავნოთ თქვენთან? ი. წერეთელი:ეს უკეთესი იქნებოდა, ხოლო შავი ზღვის მხრიდან თქვენი ძალებით დაცვა გამოგზავნილი იარაღის, სამხედრო აღჭურვილობისა და სურსათისა ფასდაუდებელი შველა იქნებოდა ჩვენთვის. ჩვენი ხალხის სულიერი განწყობა ასეთია: თუ ჩვენ თავს დაგვესხმებიან, მაგრამ ერთდროულად მივიღებთ ანტანტის სახელმწიფოების დახმარებას, ჩვენ უკუვაქცევთ ნებისმიერ თავდასხმას, ხოლო ასეთი დახმარება საჭიროა დაუყოვნებლივ. ჩვენ გვინდოდა ხაზგასმით გვეთქვა, რომ მდგომარეობა კავკასიაში საშიშია მოსახლეობის მორალური განწყობის თვალსაზრისით. როდესაც ჩვენს მიწაზე იმყოფებოდა დენიკინის ნაწილები, ხალხი თავგამოდებით იბრძოდა მის წინააღმდეგ. დღეს ხალხი ხედავს, რომ თქვენ ჩვენი დამოუკიდებლობა ცანით და ახლა ხალხის მთელი ძალა მით უფრო გამოყენებული იქნება დამოუკიდებლობის დასაცავად. იმედი გვაქვს, რომ მივიღებთ ანტანტის უმაღლესი საბჭოს მხარდაჭერას. ჩვენ არ გვინდა ომი, ჩვენ მზად ვართ ბოშევიკებთანაც წავიდეთ შეთანხმებაზე, თუ შესაძლებელი იქნებოდა, მაგრამ იმ პირობით, თუ ისინი ცნობენ ჩვენს დამოუკიდებლობას. ჟორჟ კლემენსო:თქვენ ნამდვილად მოაწერდით ხელს შეთანხმებას ბოლშევიკებთან? ი. წერეთელი:დიაღ. იმ პირობით, თუ ისინი პირობას მოგვცემენ, რომ არ შემოიჭრებიან და არ შეეცდებიან გასწიონ პროპაგანდა ჩვენს ხალხში, მაგრამ უნდა გავიმეორო, რომ თუ ჩვენ ვიქნებით ძლიერნი და ანტანტის სახელმწიფოები დაგვეხმარებიან, ბოლშევიკები იძულებულნი გახდებიან, ცნონ ჩვენი დამოუკიდებლობა და უარი თქვან თავიანთ აგრესიაზე. მე მაინც მინდოდა აღმენიშნა, რომ არსებობს ამიერკავკასიის სამი რესპუბლიკა: საქართველო, აზერბაიჯანი და სომხეთი. გვაინტერესებს, რატომ არ იქნა ცნობილი დე ფაქტო სომხეთის დამოუკიდებლობა? სომხეთის დამოუკიდებლობის ცნობა ჩვენ სამივეს დაგვეხმარებოდა ყოველგვარი აგრესიისაგან თავის დაცვაში. ლოიდ ჯორჯი:რამდენი კაცი შეუძლია იარაღქვეშ დააყენოს აზერბაიჯანმა? მაგარამოვი:ჩვენ პატარა არმია გვყავს აზერბაიჯანელი გენერლის მეთაურობით, დაახლოებით 50 ათასი ძლიერი და დისციპლინირებული, მაგრამ მათგან მხოლოდ 10-12 ათასია შეიარაღებული. ლოიდ ჯორჯი:საქართველოს ი. წერეთელი:ჩვენ გვყავს 16 ბატალიონი რეგულარული ჯარი, ყოველი ბატალიონი შეიცავს 600 ჯარისკაცს და დაახლოებით 15 ათასიანი ეროვნული გვარდია. ეს კარგად დისციპლინირებული ჯარია, ორი კვირის განმავლობაში კი შეგვიძლია 50 ათასი კაცის მობილიზება, თუ გვექნება იარაღი და სამხედრო აღჭურვილობა. ამავე დროს, დამოუკიდებლობისათვის ბრძოლაში იმედი გვაქვს ჩვენი ხალხისა, რომელიც აღჭურვილია დიდი ეროვნული გრძნობით. მე თვითონ არა ვარ სამხედრო სპეციალისტი, მაგრამ თუ ანტანტის სამხედრო საბჭოს სურს ჰქონდეს ამის შესახებ ზუსტი ინფორმაცია, შეგვიძლია დავუკავშირდეთ ჩვენს მთავრობას ტელეფონით თბილისში. ლოიდ ჯორჯი:არსებობს თუ არა საქართველოში საყოველთაო სამხედრო ვალდებულება? ი. წერეთელი:რუსეთის არმიაში ქართველი ოფიცრები საუკეთესოდ ითვლებოდნენ. ჩვენი ჯარების ნაწილები რუსეთის არმიის თაიგული იყო. ლოიდ ჯორჯი:გაირა თუ არა აზერბაიჯანის ახალგაზრდობამ სამხედრო სამსახური? მაგარემოვი:ჩვენ არ გაგვაჩნია კანონი სამხედრო ვალდებულების შესახებ, მაგრამ ომის წინ ორგანიზებულ იქნა მოხალისეთა ნაწილები, რომლებმაც თავი გამოიჩინეს ჯარში. ჩვენ გვყავს ცნობილი ოფიცრები და გენერლები. ჩვენმა რესპუბლიკამ მხოლოდ ორი წლის წინ მიიღო კონსტიტუცია. ამის შემდეგ ჩვენ ახალგაზრდობას უკვე ჯარში იწვევენ. ლოიდ ჯორჯი:მიღებული ცნობების თანახმად, ზოგიერთი აზერბაიჯანელი ოფიცერი წარმოშობით თურქია. გვაძლევს თუ არა ამ ოფიცრების აზერბაიჯანის არმიაში ყოფნა ბოლშევიკების წინააღმდეგ მათი ბრძოლის აუცილებელ გარანტიას? მაგარამოვი:რუსეთის მიერ აზერბაიჯანის ოკუპაციის შემდეგ, განსაკუთრებით უკანასკნელი 25 წლის განმავლობაში, ბევრი აზერბაიჯანელი წავიდა ემიგრაციაში თურქეთში, ხოლო შემდეგ, როდესაც თურქეთი შეიჭრა კავკასიაში, მისი ჯარის ოფიცერთა ერთი ნაწილი, წარმოშობით აზერბაიჯანელი და დაღესტნელი, დარჩა აზერბაიჯანში და დაღესტანში, მაგრამ ისინი აზერბაიჯანული წარმოშობისა არიან და შეგვიძლია დარწმუნებულნი ვიყოთ, როგორც მთელი ჩვენი მოსახლეობა, ისინიც შეიძლება გამოყენებულ იქნენ სამშობლოს დასაცავად. (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
May 29 2009, 11:47 PM
პოსტი
#7
|
|
|
Newbie ჯგუფი: Members პოსტები: 35 რეგისტრ.: 12-April 09 წევრი №: 68 |
ციტატა ჯარისკაცს და დაახლოებით 15 ათასიანი ეროვნული გვარდია. ეს კარგად დისციპლინირებული ჯარია, ორი კვირის განმავლობაში კი შეგვიძლია 50 ათასი კაცის მობილიზება, ამის ნახევარაი მაინც რო გვოყოლდა კარგი იქნებოდა. როგორც მე ვიცი ეროვნული გვარდია საერთოდ არ იყო ბრძოლისუნარიანი, რავიცი შეიძლება მე ვცდები შენ უკეთესად გეცოდინება
-------------------- Those who want to live, let them fight, and those who do not want to fight in this world of eternal struggle do not deserve to live.
Adolf Hitler |
|
|
|
|
Jun 1 2009, 09:29 AM
პოსტი
#8
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ციტატა(skin @ May 29 2009, 08:47 PM) ამის ნახევარაი მაინც რო გვოყოლდა კარგი იქნებოდა. როგორც მე ვიცი ეროვნული გვარდია საერთოდ არ იყო ბრძოლისუნარიანი, რავიცი შეიძლება მე ვცდები შენ უკეთესად გეცოდინება საერთოდ გეთანხმები, მართლაც მაშინდელი ეროვნული გვარდია ნაკლებად დისციპლინირებული იყო და ბევრ პრობლემას უქმნიდა იმჟამინდელ სუსტ მთავრობას, მაგრამ მე იმას ვდებ ახლა, რაც ოფიციალურად დოკუმენტურად არის დაფიქსირებული და თან ანტანტის ქვეყნების ამ სხდომაზე რაც შეეხება საქართველოს არმიას და კადეტებს, მათ გმირობა ჩაიდინეს და ეს ფაქტები უკვე ყველასთვის ცნობილია, ამიტომაც არ შევჩერდები მათზე, განსაკუთრებით კი გენერალ მაზმიანშვილზე და მის დანაყოფზე
-------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 1 2009, 09:59 AM
პოსტი
#9
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
(გაგრძელება)
თოფჩიბაევი:ჩვენ, აზერბაიჯანის მცხოვრებლებს, უფრო გვეშინია ბოლშევიკების, ვიდრე ჩვენს მეზობელ ქართველებს, ვინაიდან ამის გამოცდილება გვაქვს. ბოლშევიკებმა ოთხ თვეში მოახდინეს ჩვენი ქვეყნის ოკუპაცია. მე თვითონ, ამიერკავკასიის კომიტეტის წარმომადგენელი, მათ დამაპატიმრეს და ოთხთვენახევარი ვიყავი პატიმრობაში. ჩვენ საშიშროება მოგველის ორი მხრიდან: ჩრდილოეთიდან და კასპიიდან. კასპიიდან ინგლისელების იმედი გვაქვს, რომელთაც ბაზა აქვთ ნავსადგურ ენზელში და მათ შეუძლიათ გამოგვიყონ გემი ან, უკიდურეს შემთხვევაში, იარაღით და სამხედრო აღჭურვილობით მოგვამარაგონ. რაც შეეხება ჩრდილოეთის საზღვარს, გვჯერა, რომ მთელი ამიერკავკასიის, კერძოდ, აზერბაიჯანის დაცვისათვის მიზანშეწონილი იქნებოდა ანტანტის სახელმწიფოების მიერ მთიელთა (დაღისტანის) რესპუბლისკის ცნობა, რომელიც ბუფერული სახელმწიფო გახდებოდა ბოლშევიკებსა და ჩვენს შორის. ეს მთიელები მამაცი ხალხია. ლოიდ ჯორჯი:დენიკინის ჯარების წინააღმდეგ ბრძოლები თუ იყო საქართველოსა და დაღისტანში? ი. წერეთელი:დენიკინმა დაიპყრო დაღისტანი. ბრძოლები მიმდინარეობდა დენიკინისა და მთიელთა ნაწილებს შორის. რაც შეეხება საქართველოს, დენიკინი ყოველთვის ემუქრებოდა მას. ჩვენ სიმპატიურად ვიყავით განწყობილი მთიელების მიმართ, რომლებიც თავს იცავდნენ. ლოიდ ჯორჯი:რატომ შეუტია დაღისტანს დენიკინმა? ი. წერეთელი:დენიკინი განიხილავდა დაღისტანს და მთელს ამიერკავკასიას, როგორც ყოფილი რუსეთის პროვინციას. მას ამ ტერიოტორიების დაპყრობისათვის ბრძოლა უფრო იოლ საქმედ მიაჩნდა, ვიდრე ბოლშევიკების წინააღმდეგ ბრძოლა. ამიტომ მიმართა თავისი იარაღი ამიერკავკასიის წინააღმდეგ. ლოიდ ჯორჯი:მას დიდი ძალები გააჩნდა? ი. წერეთელი:მისი ძალები საკმაოდ დიდი იყო, მაგრამ ზუსტად არ შემიძლია დასახელება. მას მოუხდა დიდძალი ჯარის გამოყენება იმ ბრძოლების დროს, რომლებიც მთიელებმა გაუმართეს. ბრძოლები თითქმის მთელი წელიწადი გრძელდებოდა. მე არ ვიცი ახლა გრძელდება თუ არა ეს ბრძოლები. ჩვენ არ გაგვაჩნია უკანასკნელი ცნობები. მაგრამ როგორი ძალებიც არ უნდა ჰყავდეს დენიკინს, მისი ძალები დეზორგანიზებულია და დემობილიზებული. უეჭველია იგი უვეკ დიდ ძალას არ წარმოადგენს. ლოიდ ჯორჯი:როგორია კავკასიის დამოკიდებულება დენიკინისადმი? ი. წერეთელი:თბილისიდან მიღებული ცნობების თანახმად, რომელსაც ადასტურებს ყუბანის დელეგაციის წარმომადგენელი ბიტჩი, რომელიც პარიზში იმყოფება, ყუბანის მოსახლეობაში გამეფებულია დიდი არეულობა. შესაძლებელია, მან კიდეც მიიღო უკვე განსაზღვრული მიმართულება. ახლანდელ ვითარებაში წითელ არმიას შეუძლია ყუბანის დაკავება. ბოლშევიკების წინააღმდეგ ყუბანის ბრძოლის ორგანიზაცია ხდება ყუბანის რადის პრეზიდენტის მაგარამკოს მეთაურობით. ლოიდ ჯორჯი:რამდენი ხანია ყუბანის დელეგაცია იმყოფება პარიზში? ი. წერეთელი:ერთი წელი. ლოიდ ჯორჯი:ყუბაში მიმდინარეობს სეპარატული მოძრაობა? ი. წერეთელი:ეს საკითხი უშუალოდ ეხება ყუბანის დელეგაციას, რომელსაც კავშირი აქვს თავის ქვეყანასთან. ამ დელეგაციამ ვერსალის კონფერენციას წარუდგინა მემორანდუმი თხოვნით, ეცნოთ ყუბანის რესპუბლიკის დამოუკიდებლობა. ფრანჩესკო ნიტი:თუ სწორად გავიგე, დენიკინის არმიის მიზანია უფრო ძველი ცენტრალიზებული რუსეთის აღდგენა, ვიდრე ბოლშევიკების დამარცხება. ბატონო წერეთელო, თქვენ ამაში დარწმუნებული ხართ თუ არა? ი. წერეთელიმე ამაში დარწმუნებული ვარ. მე არ ვიცი დენიკინის მიზნები, მაგრამ ერთი კი ცხადია: როგორც კი დენიკინი გაიმარჯვებს ბოლშევიკებზე, იგი მაშინვე მიაბრუნებს თავის ძალებს იმ ხალხების დასაპყრობად, რომლებაც გამოაცხადეს დამოუკიდებლობა და რომელთა დამოუკიდებლობა ცნეს დასავლეთის სახელმწიფოებმა. ეს მარტო ჩემი აზრი არაა, არამედ ყველა დამოუკიდებელი რესპუბლიკისა, რომელთა სახელით მე აქ გამოვდივარ და რომლებიც მისგან თავს იცავენ. ასეთია ჩვენი მეზობელი აზერბაიჯანის აზრიც. ფრანჩესკო ნიტი:ხომ არ გგონიათ თქვენ, რომ კავკასიის რესპუბლიკების ცნობას, რაც უკვე არსებობს, შეუძლია უფრო გააძლიეროს ამ ხალხების წინააღმდეგობა? (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 1 2009, 10:56 AM
პოსტი
#10
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ი.წერეთელი:დარწმუნებული ვარ, რომ მათი დამოუკიდებლობის ცნობა გააძლიერებს მათ წინააღმდეგობას ყოველგვარი აგრესიის წინააღმდეგ. ვიმედოვნებთ, რომ პირველი ნაბიჯების შემდეგ, რომელიც ეს-ეს არის გადადგა ანტანტის უმაღლესმა საბჭომ, ბოლომდე მიიყვანს ჩვენი რესპუბლიკების ცნობის ფაქტს. ეს იმედი განამტკიცებს ჩვენი ხალხების რწმენას და სიმამაცეს. მოსახლეობა დარწმუნებულია, რომ მათი ცნობა ბოლომდე მივა. რაც შეეხება დენიკინის პოლიტიკას, მან რამდენჯერმე ოფიციალურად დადასტურა, რომ იგი არ ცნობს ჩვენი ერების თვითგამორკვევას. მის თვალში ჩვენ ისევ მეფის რუსეთის პროვინციები ვართ.
მაგამაროვი:საქართველოს დელეგაცია მიუთითებდა რა საშიშროებაზე, რომელიც ემუქრება მის ქვეყანას შავი ზღვიდან, უჩვენა, რომ ანტანტას შეეძლო ამ მხრიდან მისთვის მხარდაჭერა სამხედრო გემებით. მაგრამ ჩვენი მდგომარეობა კასპიის ზღვაში სულ სხვაა. ჩვენთვის სამხედრო გემების გამოგზავნაზე ლაპარაკიც ზედმეტია. პეტროვსკიდან ჩრდილოეთით დგას ბოლშევიკების ფლოტი, ხოლო დენიკინის არც ისე დიდი ფლოტი პეტროვსკსა და ბაქოს შორის და ბოლოს, ნავსადგურ ენზელში დგას ინგლისის გემი რამდენიმე ქვემეხიანი პატარა ნავით. არც ისე დიდი ხანია, რაც აზერბაიჯანის მთავრობამ პროტესტი განაცხადა დენიკინის ფლოტის აღნიშნულ ადგილებში განლაგების თაობაზე, მაგრამ ამჟამად დენიკინის ნაწილები აქ უკვე განადგურებულია, ხოლო მისი ფლოტის სარდლობა, რომელმაც თავისი სიმპათია გამოხატა ბოლშევიკებისადმი, ალბათ, შეურთდება მას. ამით უფრო გაიზრდება საშიშრობა არა მარტო ბაქოს მიმართ, არამედ მთელი კავკასიის მიმართაც, ამიტომ ჩვენ ბედნიერი ვიქნებოდით, თუ კონფერენცია გამოიჩენს კეთილმოსურნეობას და მიიღებს სათანადო ზომებს, რათა დენიკინის ზემოხსენებული ფლოტი არ შეურთდეს ბოლშევიკების ფლოტს. ლოიდ ჯორჯი:თუ თქვენ მოგეცემათ იარაღი, შეგიძლიათ დააყენოთ გარნიზონი ბაქოში? რამდენი კაცის დაყენება შეგიძლიათ ქალაქის დასაცავად? მაგარამოვი:ბაქოში უკვე არის ძლიერი გარნიზონი. ჟორჟ კლემანსო:რამდენ კაცს შეიცავს ეს გარნიზონი? მაგამაროვი:ჩვენ არ ვიცით, ვინაიდან უკვე ოთხი თვეა, რაც კავშირი არა გვაქვს ბაქოსთან. ამ დროის განმავლობაში ძალები შეიძლება შეიცვალა. ყველა შემთხვევაში ცნობილია, რომ ორი თვის წინ მისი რიცხვი 7 ათას კაცს _ ყველა მკვიდრი აზერბაიჯანელია, რომელიც ბაქოს თვლის თავის დედაქალაქად. ლოიდ ჯორჯი:რატომ არ მიიღო დენიკინმა უკრაინელი გლეხის მხარდაჭერა? რატომ შეაქცია ამ გლეხმა მას ზურგი? ი. წერეთელი:მე მგონია, რომ უკრაინაში დენიკინს თვლიდნენ ანტირევოლუციური მოძრაობის წარმომადგენლად, რომლის მიზანია გლეხობას წაართვას მიწა და დაუბრუნოს იგი მემამულეებს. მას თვლიდნენ ისეთ ადამიანად, რომელმაც უნდა მოაქციოს უკრაინა რუსეთის ცენტრალური სახელმწიფოს უღელქვეშ ისე, როგორც ეს ცარიზმის დროს იყო. როგორც სოციალური, ისე ეროვნული თვალსაზრისით, გლეხები მას უყურებდნენ, როგორც მტერს. ამის შემდეგ საქართველოსა და აზერბაიჯანის წარმომადგენლებმა დატოვეს სხდომის დარაბზი, მაგრამ სხდომა გაგრძელდა. უინსტონ ჩერჩილი:შეუძლია თუ არა მარშალ ფოშს გვითხრას, თუ როგორ უყურებს იგი კავკასიის დაცვის საკითხს? როგორც ცალკე პრობლემას, თუ ბოლშევიკებისგან დაცვის საერთო პრობლემის ნაწილს? მარშალ ფოში:ეს პრობლემა ამ თვალსაზრისით მე არ განმიხილავს. მაგრამ ჩემთვის გარკვეულია, რომ ეს საკითხი არის ბოლშევიკებისგან დაცვის საერთო პრობლემის ნაწილი. უინსტონ ჩერჩილი:ვის მხარეზე არიან ამჟამად იქ არსებული ძალები, დენიკინის თუ ბოლშევიკების მხარეზე? მარშალ ფოში:მე მგონია, რომ დენიკინის ძალები ძალიან შემცირდა და სულ მალე საერთოდ არ იარსებებს. მაგრამ საერთოდ მე არ მაქვს ზუსტი ინფორმაცია. კიდეც უფრო ნაკლები ინფორმაცია მაქვს ბოლშევიკების შესახებ, მაგრამ უეჭველია, რომ ბოლშევიკების ვარსკვლავი ამოდის. მის სამხედრო ნაწილებს ხელმძღვანელობენ დიდი რაოდენობით გერმანელი ოფიცრები, რომლებიც თავის სამშობლოში არაფრით არიან დაკავებულნი და არსებობის საშუალებას ამ გზით პოულობენ. ბოლშევიკები სხვადასხვა საშუალებებით შეიჭრნენ სხვადასხვა ქვეყნეში. ასეთ პირობეში დიდი ხანია დადგა დრო, შესაძლებლობის მიხედვით შექმანს მათ წინააღმდეგ კორდონი. უინსტონ ჩერჩილი:თვლით თუ არა თქვენ პოლონეთს საშიშროების ქვეშ? ხართ თუ არა საქმის კურსში ბოლშევიკების ძალების მდგომაროებაზე ამ მიმართულებით? თუ დავუშვებთ, რომ დენიკინის ძალები გაჰქრნენ, თვლით თუ არა, რომ თავდასხმა პოლონეთზე რეალურია და თუ ასეა, როდის შეიძლება მოხდეს ეს? (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 3 2009, 10:09 AM
პოსტი
#11
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
მარშალ ფოში:მე არ ვიცი მზადდება თუ არა ბოლშევიკების შეტევა და ხდება თუ არა იქ მათი ძალების კონცენტრაცია, მაგრამ ეს მოსალოდნელია. თუ გავითვალისწინებთ მათ რესურსებს, ეს მათთვის ადვილი შესაძლებელია. ბოლშევიკებს დიდი რესურსები გააჩნიათ და როგორც ითქვა, მათ ჯარისკაცებს გერმანელი ოფიცრები ამზადებენ. ამიტომ არის საშიშროების საფუძველი. მე არ ვიცი, ისინი ემზადებიან თუ არა პოლონეთზე თავდასხმისათვის, მაგრამ ეს შესაძლებელია მოხდეს. ყველა შემთხვევაში საჭიროა საერთო ძალებით წინააღმდეგობა გაეწიოს ბოლშევიკურ რუსეთს, სადაც კი შეიძლება ამ წინაღმდეგობის გაწევა. ძალები, რომლებსაც შეუძლია წინააღმდეგობა გაუწიონ ბოლშევიკებს, ორგანიზებულად თუ არაორგანიზებულად, გაფანტულია რესპუბლიკებში, დაწყებული აზერბაიჯანიდან კავკასიაში - საქართველოში, შემდეგ ბესარაბიაში, პოლონეთში, ესტონეთში, ლიტვაში - ყველა ახალი სახელმწიფო შეიძლება აღმოჩნდეს მძიმე მდგომაროებაში, თუ მათ მივატოვებთ ბედის ამარა და პირიქით, თუ მათ ხელს შევუწყობთ. არსებობს შესაძლებლობა, შეიქმნას სამხედრო ძალების სისტემა, საკმაოდ ძლიერიც, რათა ვიყოლიოთ ბოლშევიკები კონტროლის ქვეშ.
ლოიდ ჯორჯი:გვთავაზობთ თუ არა სამხედრო შეთანხმებას ყველა ამ სახელმწიფოს შორის საბჭოთა რუსეთის აგრესიისაგან თავდაცვის მიზნით? თუ პირიქით, გვქონდეს საერთო კავშირი ამ ქვეყნების დაცვასთან, მათზე ბოლშევიკების თავდასხმის შემთხვევისათვის. მარშალ ფოში:პირველი, რაც საჭიროა, არის ის, რომ შეჩერდეს ბოლშევიკების წინსვლა და შეიქმნას ახლად წარმოქმნილი სახელმწიფოების დაცვის ზოლი ბოლშევიკების მხრიდან შეტევის შემთხვევაში. ლოიდ ჯორჯი:მაშასადამე, თქვენ სვამთ საკითხს პოლონეთის არმიის შეიარაღებაზე, რათა იგი შეიჭრას რუსეთში? მარშალ ფოში:არა, მაგრამ მე უფრო შორს მივდივარ, პოლონეთის არმიაც რომ შეაიარაღო, საქმე ამით არ დამთავრდება. თუ მკითხავდნენ, მე შევთავაზებდი პოლონეთს, რუმინეთს, ლიტვას, ლატვიას, ესტონეთს და ფინეთს შორის შეთანხმებას ბოლშევიკების წინ წაწევის შესაჩერებლად. ამას თავისუფლად შეუერთდებოდა ამიერკავკასია და ბოლშევიკები გარშემორტყმული აღმოჩნდებოდნენ. ლოიდ ჯორჯი:ცნობილი ხომ არაა თქვენთვის, რომ ბოლშევიკები ემზადებიან ამ ქვეყნებზე თავდასხმისათვის? მარშალ ფოში:ამის შესახებ არავის არ შეუძლია იცოდეს, სანამ იგი არ მოხდება. ლოიდ ჯორჯი:შეგიძლიათ თუ არა, დაასახელოთ თქვენ ამ ქვეყნებიდან თუნდაც ერთი, რომელზეც ბოლშევიკები ამზადებენ სამხედრო თავდასხმას? მარშალ ფოში:როდესაც მოხდება თავდასხმა, მაშინ შემიძლია ამაზე გიპასუხოთ. მანამდე არაფრის თქმა არ შემიძლია. ამის შემდეგ სამხედრო ექსპერტებმა დატოვეს სხდომის დარბაზი. ლორდი კერზონი:მე მინდოდა მეთქვა, თუ რატომ არ ცნეს სომხეთის რესპუბლიკის დამოუკიდებლობა მაშინ, როდესაც სცნეს საქართველოსა და აზერბაიჯანის დამოუკიდებლობა? მე თვითონ დავსვი საკითხი საქართველოსა და აზერბაიჯანის დამოუკიდებლობის დე ფაქტო ცნობის შესახებ. მაშინ არ დავაყენე საკითხი სომხეთზე იმიტომ, რომ ეს საკითხი უნდა გადაწყვეტილიყო თურქეთთან საზავო ხელშეკრულების დადებასთან ერთად. ახლა კი არის დრო, ცნობილ იქნეს სომხეთის რესპუბლიკის დამოუკიდებლობაც. ახლანდელი სომხეთის სახელმწიფო არის ნაწილი რუსეთის ყოფილი იმპერიისა ისევე, როგორც საქართველო და აზერბაიჯანი. გარდა ამისა, სომხეთის რესპუბლიკა მზადაა, შეუერთდეს ამიერკავკასიის სხვა რესპუბლიკებს ბოლშევიზმისაგან თავდაცვის საქმეში. ზემოაღნიშნულიდან გამომდინარე, მიმაჩნია სამართლიანად და გონივრულად ცნობილ იქნეს სომხეთის რესპუბლიკის დამოუკიდებლობა. ჟორჟ კლემანსო:არის საწინააღმდეგო აზრი? რადგან არ არის, ჩვენ თანახმა ვართ ვცნოთ სომხეთის რესპუბლიკის დამოუკიდებლობა. უინსტონ ჩერჩილი:გადაწყვეტილება, რომელიც ჩვენ ეს-ეს არის მივიღეთ, წარმოადგენს პოლიტიკურსა და დიპლომატიურს და არ წყვეტს სამხედრო პრობლემებს. სომხეთის რესპუბლიკის ახლანდელი მდგომარეობა იგივეა, რაც კავკასიის სხვა რესპუბლიკებისა, ვინაიდან მოსალოდნელია თურქეთის თავდასხმა სამხრეთიდან, ხოლო ბოლშევიკებისა - ჩრდილოეთიდან. ლოიდ ჯორჯი:მე შემატყობინეს, რომ ამერიკის შეერთებული შტატების ბანკმა შესთავაზა კონგრესს, გადაურიცხოს 25 მილიონი დოლარი სომხეთს. ეს წინადადება უნდა განიხილოს კონგრესმა. მაგრამ ვფიქრობ, რომ იგი მიღებული იქნება. ეს იქნება ნამდვილი მატერიალური დახმარება. ამრიგად, გადაწყვეტილია ერთი მნიშვნელოვანი საკითხი. ახლა ჩვენ უნდა გადავწყვიტოთ, თუ როგორი დახმარება აღმოვუჩინოთ კავკასიის სხვა რესპუბლიკებს და საჭიროა თუ არა საერთოდ ასეთი დახმარების აღმოჩენა. მარშალ ფოშმა თქვა, რომ საჭიროა სამი დივიზიის გაგზავნა. ბრიტანეთის მთავრობას არა აქვს საშუალება ეს დივიზიები გაგზავნოს. (გაგრძელება იქნება) -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 3 2009, 10:48 AM
პოსტი
#12
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
(დასასრული)
ჟორჟ კლემანსო:არც ჩვენ შეგვიძლია მათი გაგზავნა. ფრანჩესკო ნიტი:იტალიას არ შეუძლია არცერთი დივიზიის გაგზავნა. ლოიდ ჯორჯი:მაშინ ჩვენ უნდა გადავწყვიტოთ, შეგვიძლია თუ არა იქ გავაგზავნოთ იარაღი და სამხედრო აღჭურვილობა? უინსტონ ჩერჩილი:ეს საკითხი დაკავშირებულია კასპიის პრობლემასთან. ლოიდ ჯორჯი:ეს საკითხი განვიხილოთ უფრო გვიან. არა მგონია, რაიმე მოხდეს, თუ იქ გავაგზავნით იარაღს და სურსათს, სანამ ბოლშევიკები მიაღწევენ კავკასიამდე, უნდა გაიარონ სამხრეთ რუსეთის პროვინციებზე. ამრიგად, ისინი ხელთ ვერ ჩაიგდებენ კავკასიაში ჩვენს მიერ გაგზავნილ სურსათს, ხოლო რაც შეეხება იარაღს, წითლებს უკვე იმდენი შაშხანა აქვთ, რომ 25 თუ 50 ათასი შაშხანის ხელში ჩაგდება არ შეცვლის მათ მდგომარეობას. მათ წაართვეს დენიკინს 600 ქვემეხი, მათ შორის უმრავლესობა ბრიტანეთის წარმოებისა. ასევე ხელთ იგდეს რამდენიმე შესანიშნავი ტანკი. ასეთ ვითარებაში საშიშროება არც ისე დიდია... მე ვთვლი, რომ ჩვენ უნდა აღმოვუჩინოთ ამიერკავკასიის რესპუბლიკებს ყოველგვარი მატერიალური დახმარება, ერთი პირობით, რომ ეს რესპუბლიკები თვითონ გაუწევენ საკუთარი ძალებით წინააღმდეგობას ბოლშევიკებს. ჟორჟ კლემანსო:დაუყოვნებლივ პასუხს მოითხოვს კითხვა: გავაგზავნოთ თუ არა ირაღი ახლა, თუ დაველოდოთ ადგილებიდან ცნობების მიღებას? მე ვეთანხმები ბატონ ლოიდ ჯორჯის აზრს და ვფიქრობ, რომ ანტანტის უმაღლეს საბჭოს უკვე აქვს საკმაო ინფორმაცია ამ საკითხზე. ჩემი აზრით, ჩვენ უნდა დავუკავშირდეთ სამხედრო ექსპერტებს, ვაცნობოთ ჩვენი გადაწყვეტილება კავკასიაში სამხედრო დახმარების გაგზავნის შესახებ. მათ კი უნდა განიხილონ საკითხები იარაღის რაოდენობასა და მათი გაგზავნის საშუალებებზე. ფრანჩესკო ნიტი:იტალიის მთავრობას არ შეუძლია მონაწილეობა მიიღოს ამ აქტში, არც იარაღით და არც ადამიანებით, ვინაიდან ეს ეწინააღმდეგება კანონს, რომელიც ამასწინათ მიიღო იტალიის პარლამენტმა, ყველა პარტიამ, მათ შორის კონსერვატორებმაც. ამ კანონის არსი იმაში მდგომარეობს, რომ იტალიას არ შეუძლია მონაწილეობა მიიღოს დე ფაქტოდ ცნობილი მთავრობის წინააღმდეგ ნებისმიერ ინტერვენციაში, ამ შემთხვევაში საბჭოთა რუსეთის მთავრობის წინააღმდეგ. ლოიდ ჯორჯი:ჩვენ გვინდა ეს დახმარება გავუწიოთ დე ფაქტოდ ცნობილ მთავრობებს, ეს კი არ შეიძლება ჩაითვალოს რუსეთის შინაგან საქმეებში ჩარევად ისევე, როგორც მაგალითად, დახმარება კოლჩაკის ან დენიკინისადმი. ფრანჩესკო ნიტი:ჩარევა ან ერთის ან მეორის სასარგებლოდ ჩვენთვის შეუძლებელია. მე ეს საკითხი უნდა შევათანხმო იტალიის პარლამენტთან. ლოიდ ჯორჯი:თუ ჩემი ინფორმაცია სწორია, არსებობს პრეცედენტი ამ საქმეში იტალიის ჩარევისთვის. ამასწინათ იტალიამ იარაღი გაგზავნა დაღესტანში. მეორე მხრივ, რამდენადაც ჩემთვის ცნობილია, დაღესტანი და ბაქო ელოდებიან იტალიის იარაღს. ფრანჩესკო ნიტი:ოფიციალურად მე არ შემიძლია რაიმე გავაკეთო. იტალიელებს აქვთ თავიანთი ინტერესი საქართველოში. მე მგონია, იქ გაემგზავრონ ჩვენი მოხალისეები. შესაძლებელია, დავეხმარო ამ მოძრაობას საქართველოში. მაგრამ შეუძლებელია გაიგზავნოს რეგულარული ჯარი ან აღმოუჩინოს სამხედრო დახმარება. ეს რომ გავაკეთო, ჩემს წინააღმდეგ აღსდგება მთელი მთავრობა და კონსერვატორებიც კი. ლოიდ ჯორჯი:არ აქვს მნიშნვნელობა იმას, გაგზავნილია იარაღი ოფიციალურად, თუ არაოფიციალურად, როდესაც იგი აღწევს დანიშნულ ადგილამდე. ფრანჩესკო ნიტი:კონფიდენციალურად ვაცხადებ, რომ შემიძლია მივცე იარაღი და სამხედრო აღჭურვილობა, თუ დიდი ბრიტანეთი ან საფრანგეთი აიღებენ თავიანთ თავზე მათ იქ გადატანას. ლოიდ ჯორჯი:თანახმა ვართ. ჟორჟ კლემანსო:პრინციპში ჩვენ ავიღეთ ვალდებულება, გავუგზავნოთ სამხედრო დახმარება ამიერკავკასიის რესპუბლიკებს და ასევე მივმართოთ სამხედრო ექსპერტებს ამ პრობლემის გადაჭრის შესახებ. ლორდი კერზონი:ვის გულისხმობთ თქვენ ”სამხედრო ექსპერტებში”? ჟორჟ კლემანსო:ფაქტიურად ეს უნდა იყოს მარშალ ფოში და გენერალ ჰენრი ვილსონი, რამდენადაც ოფიციალურად ჩვენ აქ არ გვყავს იტალიის სამხედრო წარმომადგენელი. ასეთ შემთხვევაში გადაწყვეტილება უნდა იქნეს მიღებული 24 საათის განმავლობაში. გადაწყდა: 1. სომხეთის რესპუბლიკის მთავრობა უნდა იქნეს ცნობილი დიდი სახელმწიფოების მთავრობების მიერ დე ფაქტო; 2. ანტანტის სახელმწიფოები არ არიან მზად, გაგზავნონ ამიერკავკასიაში სამი დივიზია, რაც ადრე იყო ნავარაუდევი; 3. მიღებულ იქნეს გადაწყვეტილად ამიერკავკასიის რესპუბლიკებისათვის იარაღის, სამხედრო აღჭურვილობისა და შესაძლებლობის მიხედვით, სურსათის გაგზავნის შესახებ. 4. მარსალ ფოში და გენერალ ჰენრი ვილსონი ითხოვენ, გადაწყდეს საკითხი ამ დახმარების ოდენობისა და გადაგზავნის საშუალების შესახებ. -------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 3 2009, 01:25 PM
პოსტი
#13
|
|
|
Newbie ჯგუფი: Members პოსტები: 35 რეგისტრ.: 12-April 09 წევრი №: 68 |
ციტატა ანტანტის სახელმწიფოები არ არიან მზად, გაგზავნონ ამიერკავკასიაში სამი დივიზია, რაც ადრე იყო ნავარაუდევი; აი სად დაგვენძრა. ჩვენი გულისთვის ანტანტა რუსეთთან ომს არ დაიწყებდა თავიდანვე გადაწყვეტილი იყო ყველაფერი. ni ka  საინტერესო იყო
-------------------- Those who want to live, let them fight, and those who do not want to fight in this world of eternal struggle do not deserve to live.
Adolf Hitler |
|
|
|
|
Jun 3 2009, 01:44 PM
პოსტი
#14
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ციტატა(skin @ Jun 3 2009, 10:25 AM) აი სად დაგვენძრა. ჩვენი გულისთვის ანტანტა რუსეთთან ომს არ დაიწყებდა თავიდანვე გადაწყვეტილი იყო ყველაფერი. ni ka საინტერესო იყო შენ იმას თუ მიაქციე ყურაღდება, სომხეთის დახმარება ვინ აიღო საკუთარ თავზე (ცოტა არაა 25 მილიონი დოლარი იმ პერიდოისთვის) და სომხეთის დამოუკიდებლობის ცნობა რასთან იყო მაშინ დაკავშირებული? ან ის, თუ ვინ იყვნენ მაშინდელი ბოლშევიკების არმიის რიგებსა თუ სათავეებში?! მაგი ყველაზე ყურადსაღები ფაქტები იყო, ჩემი აზრით.
-------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Jun 3 2009, 03:42 PM
პოსტი
#15
|
|
|
Newbie ჯგუფი: Members პოსტები: 35 რეგისტრ.: 12-April 09 წევრი №: 68 |
რაში სჭირდებოდა ამერიკას სომხეთის დახმარება, იმ დროისთვის ხომ რუსეთი არანაირი საფრთხეს არ წარმოადგენდა აშშ-სთვის?
-------------------- Those who want to live, let them fight, and those who do not want to fight in this world of eternal struggle do not deserve to live.
Adolf Hitler |
|
|
|
|
Jun 3 2009, 03:45 PM
პოსტი
#16
|
|
|
Advanced Member ჯგუფი: Members პოსტები: 1,154 რეგისტრ.: 29-April 09 წევრი №: 210 |
ციტატა(skin @ Jun 3 2009, 12:42 PM) რაში სჭირდებოდა ამერიკას სომხეთის დახმარება, იმ დროისთვის ხომ რუსეთი არანაირი საფრთხეს არ წარმოადგენდა აშშ-სთვის? ამერიკას არა, დიასპორას თუ დიასპორებს?!  ისე, ძააააალიან კარგი კითხვა დასვი
-------------------- "მაგრამ გეტყვით: - როგორც წმინდანნი და მართალნი უზენაესზე მეტად ვერ ამაღლდებიან, რომელიც ყოველ თქვენგანშია, ისე ავბედითი ალქაჯნი ვერ დაეცემიან იმაზე დაბლა, ზნედაცემული რაცაა თქვენში გართხმული."
ჯიბრან ხალილი როცა ცეცხლი ზიანს აყენებს სხვებს, ის უნდა ჩააქრო! "მიაგე კეისარსა კეისრისა და უფალსა უფლისა!" |
|
|
|
|
Feb 4 2010, 01:56 PM
პოსტი
#17
|
|
 Member ჯგუფი: Advanced Member პოსტები: 81 რეგისტრ.: 17-November 09 მდებარეობა: Tbilisi წევრი №: 2,112 |
ცოტამ თუ იცის, რომ ეს საქართველოს დროშა იყო მეოცე საუკუნეში
უფრო ზუსტად, ამიერკავკასიის კონფედერაციის (საქართველო, სომხეთი, აზერბაიჯანი) 
პოსტის უკანასკნელი ჩამსწორებელია Lennon: Feb 5 2010, 05:21 PM -------------------- Odi Profanum Vulgus
|
|
|
|
|
| მსუბუქი ვერსია | ახლა არის: 7th September 2010 - 02:24 AM |
